Vüqar Oruc Naxçıvanda işgüzar səfərdə olub – FOTOLARbackend

Vüqar Oruc Naxçıvanda işgüzar səfərdə olub - FOTOLAR

Azərbaycan Qiymətləndicirilər Cəmiyyətinin (AQC) sədri Vüqar Oruc Naxçıvan Muxtar Respublikasına işgüzar səfər edib.

Səfər çərçivəsində Naxçıvan MR-nın İqtisadiyyat naziri Tapdıq Əliyevlə görüşən AQC sədri rəhbərlik etdiyi qurumun fəaliyəti barədə naziri məlumatlandırıb. Vüqar Oruc bildirib ki, Azərbaycan Qiymətləndicirilər Cəmiyyəti bölgələrdə fəaliyyətini gücləndirmək və Naxçıvanda nümayəndəliyini təsis etmək niyyətindədir: “Ölkəmizdə qiymətləndiricilərin yeganə assosiativ təşkilatı olaraq regionlarımızda peşəkar qiymətləndiricilərin yetilşməsi, tədris və sertifikasiya fəaliyyəti, vahid məlumat bazasının yaradılması istiqamətində fəaliyyətimizi gücləndirmək niyyətindəyik. Ümidvarıq ki, keçid dövrünü yaşayan Naxçıvan Muxtar Respublikasında Azərbaycan Qiymətləndicirilər Cəmiyyətinin fəaliyyəti üçün münbit şərait yaradılacaq” – AQC sədri vurğulayıb.

Naxçıvan MR-nın İqtisadiyyat naziri Tapdıq Əliyev Azərbaycan Qiymətləndicirilər Cəmiyyətinin fəaliyyətini yaxından izlədiklərini, qurumun Naxçıvanda fəaliyyət göstərməsində maraqlı olduqlarını diqqətə çatdırıb. Nazirin sözlərinə görə, Naxçıvan MR-nın yeni rəhbərliyi Muxtar Respublikada sağlam rəqabət mühitinin formalaşdırılması, iqtisadiyyatın dinamik inkişafı üçün çalışır və bu isitqamətdə bütün biznes subyektləri ilə əməkdaşlığa hazırdır: “Cənab Prezident İlham Əliyevin rəhbərliyi altında ölkəboyu həyata keçirilən instusional və kompleks islahatlar Naxçıvanda da uğurla icra edilir. Qarşımıza qoyulan məqsədlərə nail olmaq, Muxtar Respublikanı müasir dövrün tələblərinə uyğun olaraq inkişaf etdirmək üçün səylərimiz davam edəcək. Azərbaycan Qiymətləndicirilər Cəmiyyətinin fəaliyyəti də maraq dairəmizdədir və AQC-nin burada fəaliyyəti üçün bütün imkanları yaratmağa hazırıq” – Tapdıq Əliyev söyləyib.

Qeyd edək ki, Azərbaycan Qiymətləndiricilər Cəmiyyəti ölkəmizdə qiymətləndiricilərin yeganə peşəkar birliyidir və 60 qiymətləndirmə şirkətini ətrafında birləşdirir. 1999-cu ildə təsis edilən cəmiyyət Azərbaycan qiymətləndiriciləri ilə beynəlxalq qiymətləndirmə təsisatları arasında əməkdaşlığı təmin edən, ölkədə qiymətləricilərin sertifikasiyanı aparan yeganə qurumdur. Bu ilin may ayından Azərbaycan Qiymətləndiricilər Cəmiyyətinə ölkəmizin aparıcı qiymətləndirmə şirkətlərindən olan – “Vecon Consulting” qiymətləndirmə şirkətinin təsisçisi və direktoru, iqtisadçı ekspert Vüqar Oruc rəhbərlik edir.

  •  (3)
  •  (0)