Bakıda “Lotu Quli”nin adından istifadə edərək 12 milyonluq mənimsəmə edən şəxsə hökm oxunubbackend

Bakıda “Lotu Quli”nin adından istifadə edərək 12 milyonluq mənimsəmə edən şəxsə hökm oxunub

Bakıda yaxın qohumuna qarşı dələduzluq etməkdə təqsirləndirilən Vüsal Axundova hökm oxunub və o, 14 il müddətinə azadlıqdan  məhrum  edilib.

Hokm.az  “Report”a istinadən xəbər verir ki, bu barədə  hökm Bakı  Ağır Cinayətlər Məhkəməsinin hakimi Azər Paşayevin sədrliyi ilə keçirilən prosesdə elan olunub.

Qeyd edək ki, ittihama əsasən, V.Axundov əmisi oğlu, sahibkar Emin Axundova “Lotu Quli” ləqəbli kriminal avtoritet  Nadir Səlifovun adından istifadə edərək hədə-qorxu gəlib, onun 12 milyon manatlıq pul və əmlakını ələ keçirib.

Xatırladaq ki, N.Səlifov 2020-ci ilin avqustun 19-dan 20-ə keçən gecə Türkiyənin Antalya şəhərində yerləşən hotellərin birində başından 4 güllə ilə vurularaq öldürülüb.

  •  (0)
  •  (0)