Gürcüstan Prezident Salome Zurabişvili İrakli Qaribaşvilinin baş nazir təyinat olunması haqqında sərəncam imzalayıb.
Hokm.az xəbər verir ki, bu barədə prezident administrasiyası məlumat yayıb.
“Gürcüstan Konstitusiyasının 56-cı maddəsinin 5-ci bəndinə uyğun olaraq, İrakli Qaribaşvili Gürcüstanın Baş naziri təyin edilsin”, – deyə sərəncamda bildirilir.
Yeni hökumətin tərkibi belədir:
• Baş nazir – İrakli Qaribaşvili
• Təhsil, Elm, Mədəniyyət və İdman naziri – Mixeil Çxenkeli
• Ətraf Mühitin Mühafizəsi və Kənd Təsərrüfatı naziri – Levan Davitaşvili
• İqtisadiyyat və Dayanıqlı İnkişaf naziri – Natia Turnava
• Müdafiə naziri – Cuanşe Burculadze
• Məcburi Köçkünlərin İşləri, Əmək, Səhiyyə və Sosial Müdafiə naziri – Ekaterina Tikaradze
• Ədliyyə naziri – Qoça Lortkipanidze
• Regional İnkişaf və İnfrastruktur naziri – İrakli Karseladze
• Xarici İşlər Naziri – David Zalkaliani
• Maliyyə Naziri – İvane Maçavariani
• Daxili İşlər Naziri – Vaxtanq Qomelauri
• Barışıq və Vətəndaş Bərabərliyi Məsələləri Üzrə Dövlət Naziri – Tea Axvlediani.
Xatırladaq ki, ötən gün parlament yeni hökuməti təsdiqləyib. Belə ki, 89 deputat yeni Nazirlər Kabinetinə etimad göstərib, 2 deputat bunun əleyhinə səs verib.