Bakıda altı yaşlı uşaq oynayarkən ağır xəsarət alıb.
“Report”un məlumatına görə, hadisə Nizami rayonunda qeydə alınıb.
Rayon ərazisində yerləşən parkların birində 2015-ci il təvəllüdlü N. M oynayarkən yelləncəkdən yıxılıb.
Azyaşlı xəstəxanaya çatdırılıb və həkim nəzarətinə götürülüb. Müayinə zamanı ona qapalı kəllə-beyin travması və baş-beyin əziyi diaqnozları qoyulub.
Vəziyyəti ağır olduğu üçün o, reanimasiya şöbəsinə yerləşdirilib.
