Yanvarın 4-nə kimi əhalinin çölə çıxmasına qadağa qoyulması ilə bağlı AÇIQLAMAbackend

Yanvarın 4-nə kimi əhalinin çölə çıxmasına qadağa qoyulması ilə bağlı AÇIQLAMA

Xəbər verdiyimiz kimi, dekabrın 31-dən yanvarın 4-nə kimi Azərbaycanda bayram günləri hesab olunur. Bir çox ölkələr, eləcə də qardaş Türkiyə bayram günlərində əhalinin 5 gün çölə çıxmasına qadağa qoyub. Bu qadağa Azərbaycanda da tətbiq ediləcəyi ilə bağlı iddialar səsləndirilir. Yanvarın 4-nə kimi əhalinin çölə çıxmasına qadağa qoyula bilərmi?

Hokm.az xəbər verir ki, bununla bağlı sonxeber.az-ın sualını cavablandıran deputat Müşfiq Məmmədli bildirib ki, insanlarımız sərt karantin rejiminin qaydalarına uyğun hərəkət etməlidirlər:

“Bilirsiniz ki, yoluxmaların sayı 4000-dən 1500-ə düşüb. Amma biz vəziyyəti nəzarətdə saxlaya bilməsək, yenidən yoluxmaların sayı arta bilər. Yanvarın 18-nə kimi biz sərtləşdirilmiş karantin rejimindəyik. Yenidən hər hansı bir sərtləşməyə getməyə ehtiyac görmürəm. İnsanlarımız sərt karantin rejiminin qaydalarına əməl etsə, kifayyətdir. Bilirsiniz ki, həftə sonları ictimai nəqliyyat fəaliyyət göstərmir. Bayram günləri ictimai nəqliyyatın fəaliyyətinin dayandırılması ilə bağlı Operativ Qərargah qərar qəbul etməyib.

Yəqin ki, bu barədə qərar verilsə, həftə sonuna qədər yoluxma tempi nəzərə alınacaq. Əgər yoluxma sayında artım olarsa, bayram günlərində karantin rejimi sərtləşdirilə və ictimai nəqliyyatın fəaliyyəti dayandırıla bilər. Amma hələ ki, bu məsələ gündəmdə deyil. Amma ən yaxşı variant bizim karantin rejiminin tələblərinə əməl etməyimizdir. Belə olarsa, əlavə sərtləşmələrə ehtiyac olmayacaq”.

  •  (1)
  •  (1)