Xaçmaz rayonunda ölümlə nəticələnən bədbəxt hadisə baş verib.
Hokm.az xəbər verir ki, rayonun Tel kənd sakini, 1972-ci il təvəllüdlü Pərvanə Əhmədova ağacdan yıxılaraq ağır yaralanıb. Belə ki, yaşadığı evin həyətindən üzüm yarpaqları yığan qadın ehtiyatsızlıqdan yıxılıb və müxtəlif dərəcəli xəsarətlərlə Xaçmaz Rayon Mərkəzi Xəstəxanasına gətirilib.
Tibbi müdaxiləyə baxmayaraq, 50 yaşlı qadın vəfat edib.
Faktla bağlı Xaçmaz Rayon Prokurorluğunda araşdırma aparılır.
