Türkiyədə terror aktının qarşısı ən son anda alınıbbackend

Türkiyədə terror aktının qarşısı ən son anda alınıb

Türkiyənin Gazi Antəp şəhərində planlaşdırılan təhlükəli terror aktının qarşısı ən son anda alınıb.

Hokm.az AZƏRTAC-a istinadən bildirir ki, məlumatı Türkiyənin Daxili İşlər Nazirliyi yayıb. Bildirilir ki, vətəndaşlar Şəhid Kamil rayonunda yerləşən Karşıyaka Polis Mərkəzinin qarşısında park edilmiş avtomobilin altındakı bağlamadan şübhələniblər. Çağırış yerinə gələn polis əməkdaşları avtomobilin altına itələnmiş çantada üç hissədən ibarət 1.2 kiloqram ağırlığında partlayıcı aşkar ediblər. Əldə düzəldilən partlayıcı zərərsizləşdirilib.

Çantanı maşının altına qoymaqda şübhəli bilinən iki şəxs saxlanılıb.

 

  •  (1)
  •  (0)