3 gün əvvəl Türkiyədə qəzaya düşən müğənni Gökhan Akar komadan ayılıb.
Hokm.az BAKU.WS-ə istinadla xəbər verir ki, özünə gələn gənc müğənninin ilk sözləri eşidənləri təsirləndirib.
Belə ki, Gökhan Akar ayılan kimi hadisə barədə anasının məlumatlı olub-olmadığını soruşub.
“Anamın qəzadan xəbəri olub? Əgər məlumatı yoxdursa, ona heç nə deməyin, çox üzülər”, – deyə Gökhan Akar bildirib.
Qeyd edək ki, Gökhan Akar şəhid ailəsini ziyarətə gedərkən qəzaya düşmüşdü. Ağır kəllə-beyin travması ilə xəstəxanaya gətirilən müğənni komaya düşərək, 3 gün süni nəfəs aparatında qalıb.
