Bu gün Xəzər TV-də yayımlanan “Hər Şey Daxil” proqramında müğənnilər Manaf Ağayev, Mətənat Əsədova və Elza Seyidcahan arasında yaşanan gərginlikdən sonra Xəzər Media Mərkəzinin direktoru Murad Dadaşov verilişin aparacısı Tarix Əliyevi işdən azad etməsi ilə bağlı mediada xəbərlər yayılıb.
Hokm.az xəbər verir ki, big.az məsələ ilə bağlı verilişin aparıcısı Tarix Əliyevdən açıqlama alıb. O bildirib ki, hazırda televiziyada iş başındadır:
“Mənə bununla bağlı heç bir xəbərdarlıq edilməyib. İşimin başındayam. Yayılan məluat yalandır”.
Xatırladaq ki, ötən gün sözügedən kanala Xalq artisti Murad Dadaşov rəhbər gətirilib.
