Milli Məclisin payız sessiyasının növbəti plenar iclası başlayıb.
Hokm.az xəbər verir ki, spiker Sahibə Qafarovanın sədrliyi ilə keçirilən iclasın gündəliyinə 6 məsələ daxil edilib.
Bunlar aşağıdakılardır:
1. “Vətən Müharibəsində qələbə münasibətilə” Azərbaycan Respublikasının orden və medallarının təsis edilməsi ilə əlaqədar “Azərbaycan Respublikasının orden və medallarının təsis edilməsi haqqında” qanununda dəyişiklik edilməsi barədə qanun layihəsi haqqında ( ikinci oxunuş)
2. “Azərbaycan Respublikasının “Vətən Müharibəsinin Qəhrəmanı” adının təsisi edilməsi haqqında” qanun layihəsi barədə (ikinci oxunuş)
3. “Dövlət qulluğu haqqında” Azərbaycan Respublikasının Qanununda dəyişiklik edilməsi barədə qanun layihəsi barədə (üçüncü oxunuş)
4. Azərbaycan Dövlət Neft və Sənaye Universitetinin 100 illiyi (1920-2020) Azərbaycan Respublikasının yubley medalının təsis edilməsi ilə əlaqədar “Azərbaycan Respublikasının orden və medallarının təsis edilməsi haqqında” Azərbaycan Respublikasının qanununda dəyişiklik edilməsi barədə qanun layihəsi haqqında (ikinci oxunuş)
5. “Ətraf mühitin mühafizəsi haqqında” Azərbaycan Respublikasının qanununda dəyişiklik edilməsi barədə qanun layihəsi haqqında (ikinci oxunuş)
6. Azərbaycan Respublikasının İnzibati Xətalar Məcəlləsində dəyişiklik edilməsi haqqında qanun layihəsi haqqında (ikinci oxunuş)
Spiker çıxışında qeyd edib ki, hər kəs koronavirusdan qorunmaq üçün tələb olunanlara əməl etməlidir: “Koronavirus pandemiyası inkişaf edir, çoxalır. Bildiyiniz kimi, bəzi deputatlarda da yoluxma qeydə alınıb. Sizdən xahiş edirəm ki, hər kəs xəstəlikdən qorunmaq üçün tələb edilən tədbirlərə əməl etsin”.
