Türkiyənin İzmir şəhərində zəlzələ qurbanlarının sayı 58-ə çatıb.
Hokm.az “Anadolu”ya istinadən xəbər verir ki, bu barədə Türkiyə Prezidenti Rəcəb Tayyib Ərdoğan danışıb.
“58 nəfər vəfat edib, 896 nəfər yaralanıb”, – deyə o bildirib.
Ərdoğanın sözlərinə görə, yaralıların 200-ə qədəri müalicə olunur, qalanları isə evə buraxılıb.
O, yaxınlarını itirənlərə başsağlığı verib və evsiz qalanların tezliklə evlə təmin olunacaqlarını vurğulayıb.