Yaponiyanın şərqindəki quşçuluq təsərrüfatlarında, təxminən 250 min canlı quş qripi epidemiyası səbəbilə məhv ediləcək.
Hokm.az publika.az-a istinadən xəbər verir ki, bu barədə “Kyodo” agentliyi məlumat yayıb.
Müvafiq qərar Çiba prefekturasının səlahiyyətliləri tərəfindən verilib.
Sosa şəhərində tapılan yeni quş qripi epidemiyası, demək olar ki, 1,5 ildə prefekturada 8-ci dəfə qeydə alınıb.
Bundan əlavə, səlahiyyətlilər quşçuluq fabrikinin ərazisindən 10 km radiusda toyuq və yumurta ixracına qadağa tətbiq edib. Onların 3 km-dən çox məsafəyə köçürülməsi də qadağandır.
