Qırğızıstanın keçmiş prezidenti Almazbek Atambayev şənbə günü xüsusi polis bölməsinin əməkdaşları tərəfindən saxlanılıb.
Hokm.az oxu.az-a istinadla bildirir ki, bu barədə TASS-a Sosial Demokrat Partiyasının qərargahından məlumat verilib.
“Atambayev saxlanılıb, hazırda eks-prezidentə qarşı həbs qətimkan tədbiri məsələsi həll olunur”, – deyə o bildirib.
“Sputnik” isə sosial şəbəkələrdə A.Atambayevin arvadı Raisa Atambayeva, həmçinin oğulları Qədir və Seyidin saxlanıldığı barədə fotoların yayımlandığını bildirib.