Son zamanlara qədər Yerevanın Yaxın Şərqdəki fəaliyyəti tez-tez hakim elitanın maddi maraqları ilə müəyyən edilirdi
Bunun bariz nümunəsi Nikol Paşinyana yaxını və Orta Şərqdə çoxsaylı qanunsuz əməliyyatlarda iştirak edən silah satıcısı David Galstyan vasitəsilə İordaniyadan Ermənistana köhnəlmiş silahların tədarükü ilə büdcə vəsaitlərinin silinməsidir. İndi isə Yerevanda hökumət səviyyəsində “Ermənistanın Yaxın Şərqə qayıtması” ndan danışırlar.
Bu baxımdan Misirin Cairo24.com saytında yayımlanan məqalə maraqlıdır. Məqalə müəllifi Ermənistan-Azərbaycan sərhədindəki son toqquşmalardan sonra dünyanın bir çox ölkəsində terrorçu sayılan Kürdüstan Fəhlə Partiyasının kürd döyüşçülərinin Ermənistan silahlı qüvvələri sıralarına cəlb edilməsi prosesinin aktiv mərhələyə keçdiyini bildirir. Məqalədə Urmiya şəhərinin tranzit nöqtəsi kimi xidmət etdiyi, Suriyadan, İraq ərazilərindən İrana keçərək 25 nəfər kürd yaraqlıdan ibarət bir qrupun Ermənistana təhvil verildiyi və bu yaxınlarda daha iki qrupun da Ermənistana köçürülməsi planlaşdırıldığı iddia edilir. Birincisi, PKK-nın (YPG) Suriya qanadından alınan Suriya-İraq sərhədindəki Qamışlı bölgəsində yerləşən 250 döyüşçüdən ibarətdir.
İraqda fəaliyyət göstərən “Bədr” təşkilatı bu qrup üçün maddi-texniki məsələləri həll edir (İraqboyu hərəkət, Ermənistan ərazisinə keçmək üçün İrana köçürülmə). Bu 250 döyüşçü yeni mövqeləri ələ keçirərkən və hücum əməliyyatları apararkən “zərbə qrupu” rolunu oynayır.İkinci qrup, İraqın Ərbil şəhərinin cənubundakı Mahmur bazasında partizan döyüşlərində ciddi təcrübəyə sahib 25 döyüşçüdən ibarətdir. Bu cür fəaliyyətə başlamış Ermənistan açıq-aşkar oyuna öz komandasından kənarda başladı və nəticəsi gözlənilməz ola biləcək təhlükəli regional proseslərə start verdi.
Yaxın Şərqin hərbiləşdirilmiş qruplarından olan muzdluların Rusiyanın lap sərhədlərinə cəlb edilməsi, Rusiya Federasiyası sərhədləri yaxınlığında bölgənin getdikcə artan hərbiləşdirilməsi Kremlin maraqlarına ziddir. Silahlıları Ermənistana köçürmək kimi bir işi PKK və YPG ilə əməkdaşlıq ciddi bir gücün kəşfiyyat xidmətinin dəstəyi olmadan mümkün deyildi. Yaxın Şərqdə Ermənistanın Qərb tərəfdaşları arasında, hazırda Türkiyə ilə demək olar ki, açıq bir geosiyasi qarşıdurmada olan isə Parisdir.
Sosial Tədqiqatlar Mərkəzinin Mətbuat Xidmətinin məlumatı
