Aparıcı İlqar Mikayıloğlu və həyat yoldaşı Zülfiyyə Bayramova sosial şəbəkədə əsgərliyə gedən övladının fotosunu yayımlayıb.
Yenisabah xəbər verir ki cütlüyün fotosuna xoş rəylər gəlsə də, izləyicilərdən biri ona qarğış edib. İzləyicilərdən biri “Sağ gedib, şəhid gəlsin. Şəhidlərdən artıq deyil ki… Harda saxlatmısan uşağı, neçə min saymısınız? Varlının uşağı kef edir, kasıbın balası şəhid olur” – deyə şərh yazıb. Bu şərhləri hesabında paylaşan Z.Bayramova rəyi yazanı qınayıb: “Görün nə qədər murdar insanlar var həyatda. Mən oğlumun şəklin paylaşmışam ki, əsgər gedir, bunun altından yazdığı komentə bax. Ayıb vallah, ayıb”.
