Mariupolda müharibə nəticəsində ölən azərbaycanlıların sayı və adları AÇIQLANDIbackend

Mariupolda müharibə nəticəsində ölən azərbaycanlıların sayı və adları AÇIQLANDI

Ukraynada müharibə nəticəsində Mariupolda dörd azərbaycanlı həlak olub, bir nəfər isə itkin düşüb.

Bu barədə “Report”un Şərqi Avropa bürosuna Mariupol Azərbaycanlıları Konqresinin (MAK) sədri Afaq Həmidova məlumat verib.

Onun sözlərinə görə, ölənlər Ukraynanın Mariupol şəhərinin sakinləri Əli Qarayev, Mansur Bəşirov, İlqar Məmmədov və Kifayət adlı xanımdır: “Kifayət xanım döyüşlər zamanı sığınacaqda ürək dayanmasından ölüb, digərləri isə Rusiya ordusunun şəhəri artilleriya atəşinə tutması nəticəsində mərmilərə tuş gələrək həlak olublar”.

A.Həmidova bildirib ki, Azərbaycan vətəndaşı, əslən Tovuz rayonundan olan Mariupol sakini Mahir İslamov isə itkin düşüb.

  •  (0)
  •  (0)