“Rəqibi tanıyırıq, Avropa çempionu olub. Kağız üzərində oyunun favoriti Portuqaliya yığmasıdır”.
Hokm.az xəbər verir ki, bunları Azərbaycan millisinin futbolçusu Mahir Emreli DÇ-2022-nin seçmə mərhələsinin Portuqaliya ilə oyunu öncəsi mətbuat konfransında deyib.
24 yaşlı hücumçu bildirib ki, rəqib futbolçuları haqqında əlavə sözə ehtiyac yoxdur: “Baş məşqçinin tapşırıqlarını yerinə yetirməyə çalışacağıq. Bütün bacarığımızı ortaya qoyacağıq”.
Qeyd edək ki, martın 24-də İtaliyanın Turin şəhərindəki “Yuventus” stadionunda keçiriləcək Portuqaliya – Azərbaycan matçı Bakı vaxtı ilə saat 23:45-də start götürəcək .Report
