Belarus prezidenti Aleksandr Lukaşenko Qazaxıstandakı etirazçıları hərbçilərdən üzr istəməyə hakimiyyətlə danışıqlar aparmağa çağırıb.
Hokm.az xəbər verir ki, bu barədə Lukaşenko tarixi siyasətin həyata keçirilməsinə həsr olunmuş iclasda bildirib.
“Siz (etirazçılar – red.) gedib diz çökərək, yaranmış bu çatı aradan qaldırmaq üçün hərbçilərdən üzr istəməli, danışıqlara başlamalısınız. Qazaxıstan Prezidenti həm yaxşı insan, həm də yaxşı diplomatdır. Onlara sadəcə olaraq bunu deyərdim: bir az hay-küy salmısınız, qışqırmısınız, bəsdir, danışıqlar aparmaq lazımdır. Kasım-Jomart Tokayevlə danışıqlar aparıla bilər”.
A.Lukaşenko Qazaxıstanda baş verənlərin Belarus üçün ibrətamiz dərs olduğunu da qeyd edib: “Bu, bizim üçün bir dərsdir. Daha bir dərs. O mənada ki, başımıza nə gələ bilərdi, indi yaxşı başa düşdük”.Publika.az
