Prezidentin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev diplomatik korpus və beynəlxalq media nümayəndələri ilə Tərtərə getdiklərini deyib.
Hokm.az xəbər verir ki, bu barədə o, “Twitter” hesabında yazıb:
“İndi diplomatik korpus və beynəlxalq media nümayəndələri ilə Tərtərə gedirik. Hərbiçilərin dediyi kimi, erməni tərəfi Tərtər ətrafı ərazilərə hücum edir. Ancaq diplomatik korpuslar könüllü olaraq Tərtərə getməyə qərar verdilər. Azərbaycanın Stalinqradına. Həmrəylik üçün təşəkkürlər”.
