“Sərhədçi” İdman Kompleksində helikopter qəzasında ötən gün həlak olan hərbi qulluqçularla vida mərasimi başa çatıb.
Hokm.az xəbər verir ki, hərbi qulluqçular İkinci Şəhidlər xiyabanında dəfn ediləcək.
_______________
13:22
Vida mərasimində “Şəhidlər ölməz, vətən bölünməz” şüarı səsləndirilib.
Şəhidlərin xatirəsi bir dəqiqəlik sükutla yad edilib.
Daha sonra Dövlət Sərhəd Xidmətinin Kadrlar şöbəsinin rəisi, general-mayor Ayaz Hüseynov şəhidlərin tərcümeyi-halı haqqında məlumat verib.
—————
12:11
Dövlət Sərhəd Xidmətinin (DSX) hərbi helikopterin Xızı rayonu ərazisində qəzaya uğraması nəticəsində həlak olan hərbçilərlə vida mərasimi keçirilir.
Vida mərasimi “Sərhədçi” İdman Olimpiya Mərkəzində keçirilir.
Qeyd edək ki, noyabrın 30-u hərbi helikopterin Xızı rayonu ərazisində qəzaya uğraması nəticəsində 14 nəfər həlak olub, iki nəfər yaralanıb.
