Hamilə qadını boğaraq öldürüb, bətnindəki körpəsini çıxaran qatil edam olunub.
Hokm.az Milli.Az-a istinadla xəbər verir ki, ağlasığmaz cinayət törədən Lisa Montgomery bir neçə saat əvvəl öldürücü inyeksiya vasitəsi ilə edam edilib.
Bununla da ABŞ-da son 70 ildə ilk dəfə qadın edamı gerçəkləşib.
Qeyd edək ki, Lisa 2004-cü ildə Bobbie Jo Stinnett-i hamiləliyinin 8-ci ayındaykən boğaraq öldürüb, bətnini yararaq uşağı götürüb, öz övladı kimi təqdim etmək istəyib. Lakin o, qısa müddət sonra tutulub, 2007-ci ildə ona ölüm hökmü verilib.
