Belarusiyada yaşayan 29 yaşlı televiziya ulduzu Anastasia Balinskaya illər öncə burun əməliyyatı keçirib, lakin əməliyyat gigiyenik şəraitdə aparılmadığı üçün bir müddət sonra onda burun iltihabı və göyərmə yaranıb.
Hokm.az Big.az-a istinadən xəbər verir ki, hazırda ulduz pərəstişkarlarından maddi yardım istəyir.
Anastasiyanın burnundakı çürüməni və iltihabı istifadə etdiyi dərmanlar da dayandırmır.
Bu gedişlə burnunun tamamilə çürüyəcəyini deyən Balinskaya 160 000 izləyicisindən maddi yardım diləyib.
O, daha öncə gözəllik naminə üç dəfə burun əməliyyatı keçirsə də, hazırda gözəllik axtarmadığını. sadəcə rahat nəfəs ala bilmək istədiyini deyir. Bunun üçün Anastasiya bir daha əməliyyat olunmalıdır.
Ulduz burnunun şəkillərini sosial şəbəkədə paylaşaraq belə bir şərh əlavə edib:
“Plastik əməliyyatın qurbanı. Bıçaq altına girdiyim ilk günə lənət olsun! Dünən həkimə getdim. Dedilər ki, bədənim həkimin son əməliyyatda burnuma qoyduğu süni implantı qəbul etmədiyi üçün iltihab yaranıb və iki ay ərzində lazımi müdaxilə edilməsə, burnum tamamilə çürüyəcək. Bir-iki ay ərzində təcili əməliyyata ehtiyacım var. Bu müddətdə lazım olan pulu tapmasam, burnumu tamamilə itirə bilərəm. Əməliyyatın pulunu ödəməyə maddi imkanım çatmır. Mənə kömək edə bilərsinizsə, bank hesabımı paylaşım. İndiyədək heç kimdən kömək istəməmişəm və heç kimin köməyini qəbul etməmişəm. Ancaq indi mənə kömək edəcək bir kimsəm yoxdur”.
