İngiltərədən olan Daniel Simsin qeyri-adi hobbisi var: o, tərk edilmiş köhnə evləri taparaq araşdırmağı sevir.
Hokm.az big.az-a istinadən xəbər verir ki, Linkolnşir qraflığındakı bir ev də onun diqqətini cəlb edib.
Zahiri qorxunc görünən evin içi daha da maraqlı olub.
Məlum olub ki, bu evdə heyvandarlıqla məşğul olub at saxlayan iki fermer yaşayıb.
Sims ilk öncə tövlələrə baxıb və burada fermerlərdən birinin qeydləri olan kitabça tapıb.
Köhnə fotoşəkillər, at yarışlarında əldə edilən mükafatlar da dəyərli tapıntılar siyahısındadır.
Evin içindən isə Daniel köhnə komikslərdən ibarət böyük bir kolleksiya və daha bir kitabça aşkarlayıb.
Sonda qonaq otağına daxil olan oğlan həyatının şokunu yaşayıb: qaranlıq otaqda iki nəfərin silueti görünüb.
Diqqətlə baxdıqda, masa arxasında oturan “adamlar”ın əslində maneken olduğunu görən Danielin “ürəyi yerinə gəlib”.
Onları bura kimin qoyduğu maraq doğurur, lakin Daniel hələ də evin keçmiş sakinləri barədə dəqiq məlumat əldə edə bilməyib.
\