Gəncədə ölənlərin sayı 10-a çatdı, yaralanmış 28 yaşlı qız da vəfat etdibackend

Gəncədə ölənlərin sayı 10-a çatdı, yaralanmış 28 yaşlı qız da vəfat etdi

Xəbər verildiyi kimi, Ermənistan silahlı qüvvələrinin 11.10.2020-ci il tarixdə gecə saat 02 radələrində cəbhə zonasından kənarda yerləşən, Azərbaycan Respublikasının ikinci böyük şəhəri olan Gəncənin mərkəzi hissəsində yerləşən çox mənzilli yaşayış binalarını raket atəşinə tutması nəticəsində 4 qadın olmaqla 9 nəfər həlak olmuş, 35 nəfər yaralanmış, həmçinin 10-dan artıq çoxmənzilli binaya və 100-dən çox müxtəlif təyinatlı obyektlərə ziyan dəymişdir.

Azərbaycan Respublikası Baş Prokurorluğun Mətbuat xidməti hadisə ilə bağlı yeni məlumat yayıb. Hokm.az məlumatı təqdim edir:

“Dərin təəssüf hissi ilə bildiririk ki, 12.10.2020-ci il tarixdə yaralı şəxslərdən biri 1992-ci il təvəllüdlü Əliyeva Günay Zahid qızı müalicə olunduğu xəstəxanada vəfat etmişdir.

Hazırda digər yaralı şəxslərin stasionar şəkildə müalicələri davam etdirilir”.

 

  •  (0)
  •  (0)