2018-ci ildə start götürən və 2030 gənci əhatə etmiş “New Generation” layihəsinin bağlanış mərasimi keçirilib. “Coca-Cola” Fondunun əsas dəstəyi, Gənclər və İdman Nazirliyinin dövlət tərəfdaşlığı ilə “Youth Inc.” Sahibkarlıq
Proqramı tərəfindən həyata keçirilən “New Generation” layihəsinin bağlanış mərasimi və final mərhləsi olan
“pitch day” Innovasiyalar Agentliyinin təşkilatı dəstəyi ilə həyata keçirilib. “Pitch Day” həmçinin müxtəlif
sahələrdən olan şəxslərin və sahibkarların şəbəkələşməsi üçün də böyük imkanlar yaradıb. “New Generation” layihəsi çərçivəsində 4 iqtisadi regiondan (Abşeron, Quba-Xaçmaz, Şəki-Zaqatala və
Gəncə-Qazax) layihənin 4 mərhələsini yekunlaşdırmış 17 sahibkar investorlar qarşısında həyəcanla dolu çıxışlar
edərək öz bizneslərini təqdim edib. Daha sonra münsiflər heyətinin gərgin müzakirələrinin ardından qaliblər
seçilib. Mükafatlandırılan sahibkarlar tələbələr üçün platforma olan “Buqelemun” layihəsi ilə Aslan Məmmədli, 10.000
manat, istifadəçilərin öz xidmətlərini rəqəmsallaşdıracağı veb-sayt hazırlanması üzrə fəaliyyət göstərən
“Owbike” layihəsi ilə Həsənağa Azad, 5000 manat; vakansiyaların ümumi toplanması və mübadiləsi üçün
fəaliyyət göstərən “Vakantyer” layihəsi ilə Cavid Əhmədov, 3000 manat; xüsusi diqqətə ehtiyacı olan uşaqlara
xidmət göstərən, inkluziv uşaq bağçası “Uğur Birlik” layihəsi ilə Elnarə Qaraxanova, 2000 manat investisiya
qazanıb. Qalib olan layihələrdən “Buqelemun” və “Vakantyer” Quba-Xaçmaz iqtisadi regionundan, “Uğur Birlik” Gəncə-Qazax iqtisadi regionundan, “Owbike” isə Abşeron iqtisadi-regionunu təmsil edərək layidə iştirak edib. Tədbirdə Gənclər və İdman Nazirnin müavini İntiqam Babayev, “Coca-Cola” şirkətinin Qafqaz və Mərkəzi Asiya regionu üzrə kommunikasiya meneceri Elşad Fərzəliyev, “Avropa İttifaqının Gənc Sahibkarlar Assosasiyası”nın birinci vitse-prezidenti və Qlobal Komitəsinin rəhbəri Patrik Kovacs, Yüksək Texnologiyalar Parkının direktoru Tural Kərimli, Azərbaycan Gənclər Fondunun icraçı direktoru Fərid Cəfərov, Elektron Hökümətin İnkişafı Mərkəzinin direktoru Fariz Cəfərov, İnformasiya Texnologiyalarının İnkişafı Dövlət Fondunun icracı direktoru Azər Bayramov, İsrail Səfirliyinin Birinci katibi və Missiya Rəhbərinin müavini Avital Rosenber, Prezident Administrasiyasının rəsmiləri, ABAD, Azərbaycan Respublikasının Kiçik və Orta Sahibkarlığın İnkişafı Agentliyi, digər dövlət və biznes qurumlarının, həmçinin KİV nümayəndələri, “Youth Inc.” Sahibkarlıq Proqramının tərəfdaşları, gənc sahibkarlar və startapçılar iştirak edib.
Açılış nitqində çıxış edən “Youth Inc.” Sahibkarlıq Proqramının həmtəsisçisi Şahin Seyidzadə proqramın 2011-ci
ildən bəri olan fəaliyyət yolu, uğurları və nəticələri haqqında məlumat verib. Şahin Seyidzadə öz çıxışında
2011-ci ildə ölkə başçısı Cənab Prezident İlham Əliyevlə görüşün nəticəsində atılan addımın artıq bu gün
Azərbaycanda sahibkarlığın inkişafına böyük töhfələr verdiyini qeyd edib. Daha sonra çıxış edən Gənclər və İdman nazirinin müavini İntiqam Babayev öz çıxışında “New Generation”
layihəsi timsalında gənclərin sahibkarlıq fəaliyyətinə olan dövlət dəstəyindən, 8 il ərzində “Youth Inc.” Sahibkarlıq Proqramının əhatə etdiyi gənclərdənvə sahibkarlığın inkişafı üçün atılan addımlardan bəhs edib. Həmçinin çıxış edən “Coca-Cola” şirkətinin Qafqaz və Mərkəzi Asiya regionu üzrə kommunikasiya meneceri
Elşad Fərzəliyev qeyd edib ki, “Coca-Cola” şirkəti hər zaman gənclərin sahibkarlıq təşəbbüslərini qiymətləndirir
və fərqli yollarla dəstəkləyir. Uğurla yekunlaşmış “New Generation” layihəsində olan fəaliyyətlərdən yararlanmış
və investisiya qazanacaq biznes layihələr də bunların bir qismidir. Tədbirin davamında çıxış edən “Avropa İttifaqının Gənc Sahibkarlar Assosasiyası”nın birinci vitse-prezidenti və
Qlobal Komitəsinin rəhbəri Patrick Kovacs “Youth Inc.” tərəfindən icra edilmiş bu tipli layihələrin Azərbaycanda
gənc sahibkarların və sahibkarlıq ekosisteminin inkişafına necə böyük dəstək verməsindən, həmçinin artıq 7 ildir
davam edən qarşılıqlı tərəfdaşlıqdan söhbət aparıb.
Hokm.az
