Ermənistan Fövqəladə Hallar Nazirliyinə İrəvandakı Zvartnots hava limanında partlayıcı qurğunun olması barədə məlumat daxil olub.
Hokm.az Publika.az-a istinadən xəbər verir ki, bu barədə ölkənin FHN-nin mətbuat xidməti məlumat yayıb.
“Partlayıcı qurğu ilə bağlı məlumat Zvartnots hava limanının rəhbərliyindən alınıb. Hadisə yerinə yanğınsöndürənlər, kinoloqlar, istehkamçılar, psixoloqlar və xüsusi xilasetmə dəstələri gedib”, – məlumatda deyilir.
Cihazın axtarışı davam edir. Nazirlik vəziyyətin inkişafı barədə əlavə məlumat verəcəyini vəd edir.
