“Ermənistan parlamentinin sədri Alen Simonyan dövlət büdcəsi hesabına özünə 200 min dollarlıq “BMW”, bahalı ayaqqabılar alır. Eyni zamanda, hökumətin bağ evini özü üçün təmir etdirir. Üstəlik, bunlar azmış kimi Ermənistan-Rusiya münasibətlərində diplomatik qalmaqal yaradır”.
Hokm.az Publika.az-a istinadla xəbər verir ki, bunu “Hayastan” fraksiyasının üzvü Areqnaz Manukyan özünün “facebook” hesabında yazıb.
O bildirib ki, spikerin bu cür özbaşınalıqları Ermənistanın ən ağır dönəmlərinə təsadüf edir: “Ermənistan tarixinin ən həlledici mərhələlərindən birini yaşayırıq. Simonyan dövlət büdcəsini göyə sovurur. Bu azmış kimi müxalifət liderlərini istefa verməyə çağırır. Üstəlik, Azərbaycan tərəfinə əsir düşən erməni hərbçilərini əsir saymır. Görün bizi kimlər idarə edir”.
