Ermənilər qoşunlarını Xankəndidən çıxarır – RİA Novostibackend

Ermənilər qoşunlarını Xankəndidən çıxarır – RİA Novosti

Erməni qoşunları işğal edilən Dağlıq Qarabağın Xankəndi şəhərindən evakuasiya olunur.

Hokm.az xəbər verir ki, bu haqda məlumatı RİA Novosti agentliyi Azərbaycan Müdafiə Nazirliyinə istinadən yayıb.

Nazirlikdən verilən məlumata görə, oktyabrın 9-u səhərədək təmas xəttinin bütün uzunluğu boyunca şiddətli döyüşlər aparılıb.

Azərbaycan ordusu Ermənistan silahlı qüvvələrinin hərəkət azadlığını məhdudlaşdıra bilən mühüm istiqamətlərə zərbə endirib.

“Azərbaycan Silahlı Qüvvələrinin Xankəndinə endirdiyi zərbələrdən sonra ağır itki verən Ermənistan Silahlı Qüvvələrinin hərbi hissələrinin şəxsi heyəti evakuasiya olunur” deyilib.

Öz növbəsində, erməni tərəfi raket və artilleriya zərbələrini təsdiqləyib, lakin vəziyyəti gərgin adlandıraraq əməliyyat-taktiki vəziyyətə tam nəzarət etdiyini bildirib.

Xatırladaq ki, işğal edilən Dağlıq Qarabağda açıq toqquşmalar 27 sentyabrda yenidən başlayıb. Azərbaycan Prezidenti İlham Əliyev televiziya müraciətində İrəvanı Azərbaycanın yaşayış məntəqələrini və mövqelərini müxtəlif istiqamətlərdə atəşə tutmaqda günahlandırıb. Əlavə edib ki, son illərdə Ermənistanın təxribatları müntəzəmdir.

Ermənistanla Azərbaycan arasındakı qarşıdurmanın hazırkı mərhələsi otuz ildir uzanır. Azərbaycan ərazilərinin təxminən 20% -i işğal altındadır.

Beynəlxalq ictimaiyyət bu torpaqların Azərbaycana aid olduğunu deyir, danışıqlar prosesinin davam etdirilməsinin tərəfdarıdır və ərazi mübahisəsini güc yolu ilə həll etmək cəhdlərinə qarşıdır. Bakı kompromisli həll yolu tapmağa hazır olduğunu bildirib, İrəvan isə həmişə danışıqlardan yayınmağa çalışıb.

Daha əvvəl news.ru 9 oktyabrda Moskvanın ATƏT-in Minsk qrupu çərçivəsində Dağlıq Qarabağdakı vəziyyəti həll etmək üçün danışıqlara davam edəcəyini yazmışdı. Bir gün əvvəl ilk məsləhətləşmələr Cenevrədə baş tutub.konkret.az

  •  (2)
  •  (1)