Türkiyənin xəzinə və maliyyə naziri Lütfi Əlvan tutduğu vəzifədən azad edilib.
Hokm.az xəbər verir ki, bu barədə Türkiyənin Prezidenti Rəcəb Tayyib Ərdoğan sərəncam imzalayıb.
Dövlət başçısının digər sərəncamı ilə Nurəddin Nəbati xəzinə və maliyyə naziri təyin olunub. O, bu təyinata qədər xəzinə və maliyyə nazirinin müavini işləyib.
Qeyd edək ki, türk lirəsinin dəyər itirdiyi bir vaxtda Lütfi Əlvanın səssiz qalması tənqid olunurdu. Bununla belə, onun vəzifədən azad edilməsi gözlənilməz olub. kanal.az
