“Ermənistan bir neçə günə Naxçıvanı hədəf alıb, Türkiyəni də münaqişəyə cəlb etməyə çalışacaq”
Bu sözləri sfera.az açıqlamasında Azərbaycanın sabiq xarici işlər naziri Tofiq Zülfüqarov deyib.
Diplomatın sözlərinə görə, düşmənin bu təxribatını önləmək üçün beynəlxalq hərbi-diplomatik nümayəndələrin atəş açılan bölgələrə müntəzəm səfərlərini təşkil etmək vacibdir:
“Ermənistan istəyir ki, onların Ermənistan ərzilərindən açdıqları atəşə biz tərəfdən cavab atəşi açılsın və hərbi dəstək üçün Kollektiv Təhlükəsizlik Təşkilatına müraciət etsinlər. Onlar istəyirlər ki, bu döyüşləri birbaşa Naxçıvan bölgəsinə də köçürsünlər. Düşmənin məqsədi ondan ibarətdir ki, Türkiyə Naxçıvan bölgəsinin müdafiəçisi olduğu üçün onları da məsələyə cəlb etsinlər.
Hesab edirəm ki, onlar bir neçə günə bu addımı atacaqlar. Bununla da ermənilər dünyaya haray çəkəcək ki, Ermənistanı dağıdırılar və s.
Biz bu yalanı ifşa etməliyik və tam gücü ilə cavab verməliyik. Görməli olduğumuz iş atəş açılan yerlərə hərbi diplomatik nümayəndələrin səfərini təşkil etmək və Ermənistan təxribatını beynəlxalq ictimaiyyətə çatdırmaqdır”.
