DSMF dəfn xərclərinin verilməsi qaydalarını açıqladıbackend

DSMF dəfn xərclərinin verilməsi qaydalarını açıqladı

Dövlət Sosial Müdafiə Fondu dünyasını dəyişən Azərbaycan vətəndaşlarına hansı hallarda dəfn xərclərinin verilməsi qaydalarını açıqlayıb.

Hokm.az xəbər verir ki, Dövlət Sosial Müdafiə Fondunun Sosial Ödənişlərin Təyinatı üzrə Mərkəzi Filialının direktoru Mail Məmmədov Trend-ə açıqlamasında bildirib ki, Azərbaycanda dəfn xərcləri sığorta olunan və pensiya hüququ olan şəxslərə şamil edilir: “Qanunvericiliyə görə, əmək pensiyası alan və sosial sığortası olan şəxs vəfat edərsə, həmin şəxsin ailə üzvünə dəfn xərcləri ödənilir. Dəfn xərcini çəkən şəxs müvafiq icra hakimiyyəti orqanından bu barədə arayış gətirərək Dövlət Sosial Müdafiə Fonduna təqdim edir və bundan sonra həmin şəxsə dəfn xərci üçün birdəfəlik müavinət ödənilir. Əgər şəxsin əlillik müddəti bitibsə, vəfat edərkən əlillik hüququ olmayıbsa, həmin şəxslərə dəfn xərci üçün birdəfəlik müavinət ödənilmir”.

  •  (0)
  •  (0)