Dövlət Sərhəd Xidməti əl-üz dəsmalları almaq üçün 158 min manatlıq müqavilə bağladı
Hokm.az xəbər verir ki, Azərbaycan Respublikası Dövlət Sərhəd Xidməti əl-üz dəsmalları almaq üçün “ME.GA.AN” Məhdud Məsuliyyətli Cəmiyyəti (Podratçı VÖEN 1800284991) ilə müqavilə imzalayıb.
Müqavilənin dəyəri 158 min 356 manatdır.
Maraqlıdır ki, DSX-nin yay tuflisi (qadın hərbi qulluqçular və matroslar üçün) və rezin çəkmələr almaq üçün elan etdiyi tenderin qalibi də məhz “ME.GA.AN” MMC olub. Bu dəfə DSX ilə bu şirkət arasında 280 min 132 manatlıq müqavilə bağlanıb.
İnternet üzərindən açıq mənbələrdə apardığımız axtarışlar zamanı “ME.GA.AN” MMC ilə bağlı (telefon nömrələrindən başqa) heç bir informasiyaya rast gəlmədik.Azsiyasət.com
