Arvadına xəyanət edən ər diqqətsizliyi səbəbindən özünü çətin vəziyyətə qoyub.
Hokm.az Milli.Az-a istinadla bildirir ki, otelin vanna otağında güzgüdən selfi çəkib xanımına yollayan ər fotodakı incə detalları gözardı etdiyinə görə pis vəziyyətdə qalıb.
Ərinin fotosundan onun otaqda qızla olduğunu öyrənən qadın həmin selfini sosial şəbəkələrdə paylaşaraq ərini rüsvay edib.
“Ərim tək olduğunu sübut etmək üçün mənə bu selfini atıb. Amma, mən onun xəyanət etdiyini öyrəndim. Sizcə necə?”, – deyə o, fotoya yazıb.
Bir müddət sonra öz sualını cavablayan qadın bildirib ki, əlüzyuyanın yanındakı daraq və saç düzləşdiricidən ərinin tək olmadığını bilib.
