Birlikdə yaşamadığı şəxslə cinsi əlaqədə olanlar cərimələnəcəklər – Koronavirusa görə – FOTObackend

Birlikdə yaşamadığı şəxslə cinsi əlaqədə olanlar cərimələnəcəklər - Koronavirusa görə - FOTO

Birlikdə yaşamadığı şəxslə cinsi əlaqədə olanlar cərimələnəcəklər – Koronavirusa görə – FOTO

Eyni evdə yaşamayan şəxslərin cinsi əlaqədə olması illeqal hesab olunacaq.

Hokm.Az  Milli.Az-a istinadən xəbər verir ki, Britaniyada koronavirusla mübarizə çərçivəsində sosial izolyasiya tədbirləri gücləndirilib. Bu ölkədə birlikdə qalmayan şəxslərin bir-biri ilə cinsi əlaqədə olması, öpüşməsi və ya hər hansı təmas karantin qaydalarının pozulması kimi qiymətləndiriləcək.

Bu gündən etibarən birlikdə yaşamadığı şəxslə həmin evdə intim əlaqədə olanlar cərimələnəcəklər. Qərarın qəbul olunmasına səbəb kimi koronavirusun yayılmasının qarşısını almaq göstərilir. Belə ki, hökümət bu qərarla müxtəlif insanların eyni qapalı məkanda yaxın ünsiyyətinin qarşısını almaq istəyir.

Bundan əlavə, insanların bir evdə əsassız yerə toplaşması da qadağan edilib. Qaydaların tənzimlənmə mexanizmi barədə məlumat verilmir.

Ümumdünya Səhiyyə Təşkilatının bugünkü statistikasına əsasən, Birləşmiş Krallıqda 274762 insan koronavirusa yoluxub. 38 mindən çox insan Covid-19 səbəbi ilə vəfat edib.

  •  (2)
  •  (9)