“Barselona”nın 5 oyunçusu və 2 məşqçisinin ilk koronavirus testi pozitiv nəticə verib.
Offsideplus.az “rac1” radiosuna istinadən xəbər verir ki, hazırda onların hamısı sağalıb və oyunlarda iştirak etmələri üçün heç bir əngəl yoxdur.
Qeyd edək ki, koronavirus pandemiyası səbəbindən dayandırılan futbol üzrə İspaniya La Liqası 11 iyunda başlayacaq. Hazırda İspaniya çempionatına 58 xalla “Barselona” başçılıq edir. Aktivində 56 xal olan “Real Madrid” ikinci sıradadır. “Sevilya” isə 47 xalla üçüncü yerdədir.
