Azərbaycanda bütün sahələr üzrə uşaq hüquqlarının standartlarının müəyyənləşdirilməsi üzərindən iş aparılır.
Bunu Ailə, Qadın və Uşaq Problemləri üzrə Dövlət Komitəsinin sədri Bahar Muradova jurnalistlərə açıqlamasında deyib.
Onun sözlərinə görə, ailədə və cəmiyyətdə müəyyən zorakı təhdidlərlə üz-üzə qalan uşaqlarla bağlı məsələlərin həlli də daxil olmaqla 11 istiqamət üzrə təkliflər verilib:
“Təşəbbüslər qurumlarla razılaşdırılma mərhələsindədir. Bütün sahələrdə uşaq hüquqlarının standartları müəyyənləşdirilməlidir. Hələlik bu, layihə halındadır. Müvafiq dövlət orqanları bu istiqamətdə təkliflərini göndərirlər və sonda həmin təklifləri qəbul olunması üçün müvafiq instansiyaya təqdim edəcəyik”, – deyə B.Muradova qeyd edib.
