Bərdədə 24 yaşlı oğlan kanalda batıb.
Hokm.az-ın məlumatına görə, hadisə Yuxarı Qarabağ kanalının Bərdə rayonu, Alpout kəndi ərazisindən keçən hissəsində baş verib. 24 yaşlı Orucov Elməddin Yusif oğlu həmin kanalda batıb.
Onun xilas edilməsi üçün FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.
Məlumata görə, Elməddin Orucov Bərdə şəhər sakinidir. Alpout kəndində yem mağazasında fəhlə işləyirmiş. İddialara görə, o, kanala əl-üzünü yumağa gəlib. Ancaq qəflətən sürüşərək kanala düşüb.
Hazırda onun meyitinin axtarışları davam etdirilir.
