Ucarda 3 yaşlı uşaq 5-ci mərtəbədən yıxılaraq ölüb.
Hokm.az “Qafqazinfo”ya istinadən xəbər verir ki, hadisə rayonda məcburi köçkünlər üçün salınmış binaların birində baş verib.
Belə ki, 2017-ci il təvəllüdlü Fərhan Qədimov ailəsi ilə birlikdə əmisi gilə qonaq gəlib.
Bu gün gecə saatlarında evdə nəzarətsiz qalan F.Qədimov 5-ci mərtəbədən yıxılıb.
Ağır bədən xəsarətləri alan F.Qədimov xəstəxanaya çatdırılsa da, onun həyatını xilas etmək mümkün olmayıb.
Faktla bağlı araşdırma aparılır.
