ARB TV-nin “Onun Sirri” verilişinin növbəti qonağı müğənni Mətanət Əsədova olub.
Məşhur ifaçı illər öncə qardaşının onu ölümlə hədələdiyini etiraf edib:
“Orta məktəbdə oxuduğum zamanlar idi. Bir gün direktorumuz mənə dedi ki, “Əsədova, müəllimlər evinə get. Şövkət Ələkbərova gəlib. Müsabiqə keçirilir”. Getdim, oxudum. Rayonlar arasında 25 tələbənin içərisindən mən seçildim. Dedilər “get evə, hazırlaş, Bakıya gedirsən”.
Müəllimlər evindən çıxıb evə gedəndə qardaşım məni yaxaladı. Artıq ona xəbər vermişdilər. Mənə dedi ki, “dərsdə olmalısan, burada nə işin var? Bu əlimdəki bıçağı görürsən? Sənin başını kəsərəm. O fikri beynindən at”. O zaman məni getməyə qoymadı, amma illər sonra həmin qardaşım məni müğənniliyə gətirdi”.
