“Pandemiya dönəmində bir çox müğənnilərin sandığı açıldı, pambığı töküldü. Onların sənəti deyil, sənətə etdikləri xəyanətləri yadda qaldı”.
Hokm.az xəbər verir ki, bunu yenicag.az-a müğənni İlahə Fəda pandemiya dönəmində toysuz qalan müğənnilərin sənətə etdikləri xəyanətdən danışarkən deyib.
Müğənni özünü misal çəkərək, hətta ən ağır maddi çətinlikləri dönəmində belə sənətə xəyanət etmədiyini bildirib:
“Dahi Üzeyir Hacıbəylinin bizə yadigar qoyub getdiyi musiqiyə xəyanət etmək, tapdalamaq olmaz. Amma bəzi müğənnilərilərimiz neylədilər? Başladılar bayağı mahnılar oxumağa. Onu tapdalayıb keçdilər, toylarda 5-10 manat pul qazanmaqdan ötrü musiqiyə xəyanət etdilər. Amma mən heç vaxt musiqiyə xəyanət etmədim, həmişə səviyyəli musiqilər oxudum. Vaxt olub, çörək almağa pulum olmayıb, nisyə çörək almışam. Amma musiqiyə, sənətimə xəyanət etməklə gündəmə gəlməmişəm. Pandemiya dönəmində bir çox müğənnilərin sandığı açıldı, pambığı töküldü. Sənətə etdikləri xəyanətlə yadda qaldılar”.
