“Mən bu yarışmada ilk gündən ölkəmi dəstəkləmişəm. Bu il də istisna olmadı, Azərbaycana və Samirəyə ürəkdən uğurlar arzu edirdim. Samirə çox istedadlı ifaçıdır. Lakin mənim iki üzüm yoxdur ki, biri ilə bəyənmədiyim halda, o biri ilə tərifləyim. Şəxsən mən, builki mahnını və nömrəni nə ölkəmə yaraşdırdım, nə də Samirəyə”.
Hokm.az xəbər verir ki, bu sözləri “Eurovision-2021”də Azərbaycan şərhçilərindən olan aparıcı Hüsniyə Məhərrəmova sosial media hesabında qeyd edib.
O bildirib ki, ölkəmiz bu yarışmada daha layiqli təmsil oluna bilərdi: “Düşünürəm ki, ölkəmiz üçün belə bir əhəmiyyətli ildə, Avropanın ən böyük platformasında Azərbaycan daha layiqli təmsil oluna bilərdi. Ona görə narazı qalan qohum-əqrəbaya, dost-tanışa intriqalarla deyil, musiqi zövqləri ilə məşğul olmağı arzu edirəm”, – H.Məhərrəmova əlavə edib. publika.az
