Kazımla dənizə getdik, onu qoyub getməyəcəkdim. Çox şey var idi… Dəmirin o tərəfinə keçdim, dənizə atılmaq istəyirdim. Şüurlu surətdə bunu etdim. Bu hadisə Kazımın 6-7 yaşı olanda baş verib.
Hokm.az xəbər verir ki, bu sözləri Xalq artisti Könül Xasıyeva ATV kanalında Zaur Nəbiyevin aparıcılığı ilə yayımlanan “1 dəqiqə” proqramında deyib. Xanəndə oğlu Kazımla birlikdə intihar etmək istədiyini etiraf edib:
“Balamı qoyub gedə bilməzdim. Onunla birlikdə özümü öldürəcəkdim.14 ildir yatmıram, səhərə kimi Kazımın yanında oyaq otururam. Çünki gecə neçə dəfə qalxır, oturur. Narahatdır, dərmanlar içsə belə… O, yuxudan oyanır, sonra mən oturduğum yerdə mürgüləyirəm”.
Qeyd edək ki, Könül Xasıyeva onurğa iflicindən əziyyət çəkir. O, bir neçə il əvvəl övladı barədə danışarkən bu sözləri demişdi: “Son iki ilimi oğlumun sağalmasına qurban verdim. Çox şükürlər olsun ki, böyük əziyyətlərdən sonra oğlum sağlamlığına qovuşdu. Həyatda hər şeyi qazanmaq olar, amma övladı heç nə əvəz etmir. Mən iki il müalicələrimə ara verdim. Bu da mənim səhhətimə ciddi təsir etdi. Onurğamda problem yaranıb. Onurğam iflicdir. Çox güclü stress yaşayıram. Valideynin övladının itkisi qorxusu ilə yaşaması cümlələrə sığmayacaq bir şeydir”.publika.az
