ABŞ-ın sabiq prezidenti Donald Tramp hazırki dövlət başçısı Co Baydenə növbəti dəfə mesaj göndərib.
Hokm.az publika.az-a istinadla xəbər verir ki, Tramp, 16 iyunda Cenevrədə Rusiya dövlət başçısı ilə görüşəcək Baydenə uğurlar diləyib. Amma xələfinə “söz də atıb”:
“Bayden, toplantı zamanı yuxuya getmə və Putinə ən səmimi diləklərimi çatdır”.
Tramp prezidentliyi dövründə Helsinkidə Putinlə çox məhsuldar bir görüş keçirdiyini söyləyib: “Gecikmiş yalançı mətbuat toplantını kiçik formada təqdim etdi. Amma ABŞ bu toplantıda Putinin və Rusiyanın hörməti də daxil olmaqla bir çox şey qazandı”.
