10 noyabr üçtərəfli bəyanatından sonra Azərbaycanın Dağlıq Qarabağ bölgəsində yerləşdirilən Rusiya sülhməramlıları ermənilərin ərazini kütləvi şəkildə tərk etməsinin qarşısını almağa çalışırlar.
Hokm.az xəbər verir ki, bu barədə Laçın dəhlizi ilə hərəkət edən iki erməninin “Youtube”da yayılan videosundan məlum olub.
Onların söhbətindən aydın olur ki, rusiyalı sülhməramlılar erməniləri Qarabağa geri qayıtmağa məcbur edirlər: “Sülhməramlılar bizə deyirlər ki, geri qayıtmalısınız. Çünki, əgər çıxıb getsək, Azərbaycan Rusiyadan tələb edəcək ki, burada qorumağa heç kim qalmayıb və deməli, rusiyalı sülhməramlıların da Qarabağda qalmasına ehtiyac yoxdur. Ona görə də bizi geri qaytarırlar”, – deyə jurnalist Narine Kirakosyan bildirib.Qazet.az
