İşğaldan azad edilmiş ərazilərdə yaşıl texnologiyalar üzrə istehsal və xidmət sahələri yaradılacaq.
Hokm.az-ın xəbərinə görə, bu, Nazirlər Kabinetinin təsdiqlədiyi “Azərbaycan Respublikasının işğaldan azad edilmiş ərazilərində 2022-2026-cı illərdə “yaşıl enerji” zonasının yaradılması üzrə Tədbirlər Planı”nda əksini tapıb.
Tədbirlər Planına əsasən, İqtisadiyyat Nazirliyi Energetika Nazirliyi ilə birlikdə 2022-2026-cı illərdə Azərbaycan Respublikasının işğaldan azad edilmiş ərazilərində yaşıl texnologiyalar üzrə istehsal və xidmət sahələrinin yaradılmasının dəstəklənməsini təmin etməlidir.
