Ermənistanın Baş naziri Nikol Paşinyan Azərbaycanla sülh müqaviləsinin ilin sonuna qədər imzalanması üçün hər şeyi edəcəyini bildirib.
Hokm.az xəbər verir ki, o, bunu ölkəsinin İctimai Televiziyasına müsahibəsində bildirib.
Paşinyanın sözlərinə görə, Ermənistan Azərbaycana Avropa İttifaqı missiyasının delimitasiya olunacaq ərazidə fəaliyyət göstərməyəcəyini təklif edib.
Baş nazir vurğulayıb ki, danışıqlar prosesində müəyyən müsbət irəliləyişlər var.
“Əgər biz həqiqi sülhə nail olsaq, sülh müqaviləsi imzalasaq, Ermənistan qarşılıqlı prinsip əsasında Azərbaycana qarşı beynəlxalq iddialardan imtina etməyə hazırdır”, – Paşinyan qeyd edib.
