Azərbaycan Premyer Liqasında 15-ci turun oyunları keçirilir.
“Hokm.az” xəbər verir ki, ikinci oyun günündə əvvəlcə “Şamaxı” doğma meydanda autsayder “Kəpəz”i sınağa çəkib.
Gəncə təmsilçisi səfərdən qələbə ilə qayıdıb.
Bu, “Kəpəz”in cari mövsümdə 3-cü qələbəsi olub. Nəticədə Azər Bağırovun komandası xallarının sayını 10-a çatdırıb və “Səbail”i geridə qoyaraq 9-cu pilləyə yüksəlib.
Son oyunlarda xala həsrət olan “Zirə” isə “Sumqayıt”ı qəbul edəcək.
Daha öncə “Araz-Naxçıvan” “Turan Tovuz”a, “Sabah” isə “Səbail” eyni hesabla (1:0) qalib gəlib. Tura sabah keçiriləcək “Neftçi” – “Qarabağ” oyunu ilə yekun vurulacaq.
Azərbaycan Premyer Liqası
15-ci tur
30 noyabr
“Şamaxı” – “Kəpəz” 0:1
Qol: Luis Paçu, 69.
Hakimlər: İnqilab Məmmədov, Zöhrab Abbasov, Rahil Ramazanov, Əkbər Əhmədov.
Şamaxı şəhər stadionu.
