Milli Məclisin deputatı Heydər Əsədov Dünya Azərbaycanlılarının Həmrəyliyi Günü və Yeni il bayramı münasibətilə bir sıra şəhid ailələri və qazilərlə görüşüb.
“Hokm.az” xəbər verir ki, parlamentari Yeni Azərbaycan Partiyası Şirvan Şəhər Təşkilatının Qərargahında baş tutan qəbulda onları bayramlar münasibətilə təbrik edib.
Heydər Əsədov şəhid ailələri və qazilərin müraciətlərini dinləyib, məişət problemləri ilə maraqlanıb, mövcud problemlərin həllinə əməli köməklik göstərib.
Belə ki, dörd şəhid ailəsinə böyük ölçülü soyuducu, iki ailəyə paltaryuyan maşın, bir ailəyə xalça hədiyyə edib.
Daha sonra qazilərin problemləri dinlənilib. Onlardan 6 nəfərə maddi yardım göstərilib.
Millət vəkili bundan sonra da şəhid ailələrinin problemlərinə diqqətlə yanaşacağına, qaldırılmış problemlərin araşdırılacağına və aradan qaldırılması istiqamətində addımlar atılacağına söz verib.
