Böyük Britaniya Lordlar Palatasından iki lord – uzun müddət Mühafizəkarlar Partiyasının sədri vəzifəsini icra etmiş Lord Darren Mott və 7 il İşçi Partiyasının baş katibi vəzifəsini icra etmiş Lord Iain McNicol ADA Universitetində təşkil edilmiş “Azərbaycanın COP29-da strateji əhəmiyyəti” adlı konfransda çıxış etmək üçün “Qarabağ” Futbol Klubunun prezidenti, iş adamı Tahir Gozelin qonağı olaraq Bakıya səfər ediblər.
Konfransa çıxış edənlər arasında Tahir Gozel, Lord Iain McNicol, Lord Darren Mott və ODI (Dənizlər Ötəsi İnkişaf İnstitutu) Qlobal Risklər və Davamlılıq komandasının direktoru Dr. Rebecca Nadin yer alıblar. Konfrans müddətində Azərbaycanın COP29-da strateji əhəmiyyəti, beynəlxalq əməkdaşlığın inkişafındakı rolu müzakirə edilib, tələbələrin sualları cavablandırılıb.
Lord McNicol və Lord Mott COP29 ölkəsini ziyarət etməkdən məmnun olduqlarını, Azərbaycanın töhfələrinə minnətdarlıqlarını bildirdilər.
Lord Iain McNicol və Lord Mott haqqında
Lord Iain McNicol, Lordlar Palatasının üzvü, həmkarlar ittifaqı üzvü və 2011-ci ildən 2018-ci ilə qədər İşçi Partiyasının Baş Katibi vəzifəsində çalışmış siyasətçidir. Bundan əvvəl o, GMB İttifaqının Milli Siyasi Məmuru vəzifəsində çalışıb. Iain İnvestisiya və Qənaət Alyansının (TISA) baş məsləhətçisi, Rewired.Earth-da məsləhət şurasının sədri, Böyük Britaniyanın Hidrogen Siyasəti Komissiyasında komissarı və Astra Protokolunda strateji məsləhətçidir.
Lord Darren Mott Mühafizəkarlar Partiyasının onilliklər ərzində ən uğurlu seçki kampaniyası zamanı Kampaniya direktoru olub və 2019-cu ilin tarixi nəticəsini təqdim edib. Bu uğurdan sonra o, partiyanın baş direktoru vəzifəsinə yüksəlib. O, səkkiz ümumi seçki kampaniyası üzərində işləyərək altı baş nazirə xidmət edib. Karyerasına partiyada təcrübəçi kimi başlayan Lord Mott, uzun müddət icraçı direktor vəzifəsində fəaliyyət göstərib.
