“FED-in gözlənilən qərarı ilə əlaqəli deyil. İlin sonu olanda banklarda və əhalidə özünüqoruma instikti yaranır. Amma indi ilin əvvəlidir. Araşdırmaq lazımdır” – deyə ekspert bildirib.
“Bankların məzənnəsi bu göstəricidən fərqlənə bilər. Əvvəllər Azərbaycan Mərkəzi Bankı dolların qiyməti ilə bağlı məhdudiyyət tətbiq etmişdi. Həmin məhdudiyyətlərə görə, digər banklarda məzənnə yalnız 2 faiz fərqlənə bilərdi, daha sonra rəqəmi 4 faizə qaldırdılar. Hazırda isə Mərkəzi bank bu mövzuda heç bir Azərbaycan bankına məhdudiyyət tətbiq etmir. Bu o deməkdir ki, banklar gedib Mərkəzi Bankdan 1.7 manata alır, özləri isə istənilən qiymətə sata bilər. Sadəcə banklar öz aralarında daimi rəqabətdə olduqlarına görə qiymətləri çox artıra bilmir, bir-birilərinə yaxın qiymət təyin edirlər”, – deyə o vurğuladı.
Həsənov söylədi ki, Mərkəzi Bank az dollar satarsa, məzənnə qalxa bilər.
“Hazırki durumda Mərkəzi Bankda belə hal müşahidə edilmir. Düzdür, 2 ildir ki, dollar alışına Azərbaycanda nisbətən məhdudiyyət var və hər vətəndaşa 20 min manatlıq limit qoyulub. Bunun özü qanunsuzdur və ondan xəbər verir ki, manatın məzənnəsi ilə bağlı problem var. Bu problem ilə əlaqədar qanunsuz mexanizm irəli sürərək valyuta ehtiyatını qorumaq istəyirlər və faktiki olaraq bu məzənnəni sabit saxlamağa kömək olur. Qaldı ki, artım məsələsinə heç bir ciddi problem yoxdur. Bu cüzi artım heç nədən xəbər vermir, narahat olmaq lazım deyil”, – deyə Əkrəm Həsənov əlavə etdi.
